Wednesday, December 26, 2007

भारत भू चे सुपुत्र आम्ही!

भारत भू चे सुपुत्र आम्ही,
निष्ठा अमुची नचिकेताची;
झुंजुनी जिंकु आव्हानांना,
जिद्द आमची भगीरथाची ॥१॥

बृहस्पतिची बुध्दी अमुची,
शक्ती अमुची बलभीमाची;
उलथुन टाकु अन्यायाला,
दिक्षा अम्हा ’भृगुराजाची’॥२॥

चाणक्याची नीती अमुची,
छाती अमुची हनुमानाची;
शक्ती-भक्तीची वाहि गंगा
परंपरा ही अभिमानाची॥३॥

भोळे आम्ही सांबसदाशीव,
अन लबाड आम्ही कान्हापरी;
काहि वेळा रचीतो क्रिडा,
करीतो तांडव भोळे जरी॥४॥

दधीच ऋषीचा त्याग अमुचा,
अन दानत अमुची कर्णाची;
प्रतीसृष्टीचे स्पप्न आमुचे,
ताकद विश्वामित्राची॥५॥

- सौरभ वैशंपायन.

3 comments:

Tejaswini said...

chhanch!!

Tejaswini said...

fakt na 4th kadava thoda khataktay mhanje mala kavita karta yet nahit mhanun bolaycha ki nahi vichar karat hote pan 3-4da vachun pahilyawarhi nit yet nahiye, kadachit tumhi kaitemadhla "meter" vagaire mhanta te jamat nahiye!

Anonymous said...

kharach kavita khup chan aahe keep it up!