आठवते का? आकाशावर उमटुन गेली होती लाली,
आठवतो का? तोच रक्तीमा फुलला होता तुझ्याच गाली. - १
आठवले का? हळवे स्पर्श, नीसटती त्यांची हुरहुर,
आठवली का? उशीर होता लटक्या रागाची कुरबुर. - २
आठवतो का? ओंजळित फुलला होता चाफा धुंद,
आठवला का? सुवास कसला? चोरला त्याने तुझाच गंध. - ३
आठवली का? अधीर वचने अधराची अधराला,
आठवले का? चुकार अश्रु बिलगते पदराला. - ४
आठवते का? मी निघतो म्हणता घट्ट मीठि विणलेली,
आठवली मज, मला शोधती नजर तुझी शिणलेली. - ५
- सौरभ वैशंपायन(मुंबई).
3 comments:
Surekh! mast jhali ahe kavita...shevatchi line khupach khas.
सौरभ,
मस्त कविता. विशेषतः तिसरं आणि शेवटचं कडवं फारच सुरेख.
साखळी हायकूसाठी खॊ दिलाय बघ.
-प्रशांत
Post a Comment