Wednesday, April 9, 2008

कवडसे!

गुलमोहोरच्या फांद्यांतुन उतरावे जसे,
भिरभिरणार्‍या डोळ्यांचे बिलोरी कवडसे. - १

बिलोरी कवडश्यांना दाट काजळ रेषा,
तुझ्या डोळ्यात खोलवर माझ्या हरवलेल्या दिशा. - २

हरवलेल्या दिशांमध्ये सापडलेली वाट,
बकुळ-नाजुक देहाचा कमनिय घाट. - ३

घाटदार देहाला शैशवाचं कुंपण,
जागणार्‍या रात्रींना चांदण्यांचं शिंपण. - ४

चांदण्यांचं शिंपण नव्हे तुझे मंद स्मीत,
तुझ्या ओठी विरघळणारे सायंकाळचे गीत. - ५

सायंकाळच्या गीताला जगावेगळी हौस,
त्याच वेळी असा सुरु व्हावा पाऊस. - ६

पाऊस असा वेडापिसा भिजवी या देहा,
अंतरात जागलेली अनिवार स्पृहा. - ७

अशी स्पृहा जागावी तुझियाही दिठी,
अलगद गुंफाविस माझ्या भोवती मिठी. - ८

-सौरभ वैशंपायन.

4 comments:

Jaswandi said...

aah, kyaa baat hain...
saurabh tu dhanya ahes... sagalya genre madhe lihina uttam jamata tula!!

Saurabh said...

धन्यवाद!

स्नेहा said...

kya bat hai saurabh? mastach

मोरपीस said...

अप्रतिम, उत्क्रुष्ट आणि खूप खूप मस्त लेखन आहे आपलं